Sariaya Conservative Baptist Church, Inc

Taong 1965 ang mga misyonero ng LUCENA BAPTIST CHURCH na Dr. Leonard Tuggy, at Rev. Steve Sanmore sa tulong ni Ptr. Rolly Sabater ay naparito sa Sariaya upang magtanim ng Iglesia, sa pakikipagtulungan ng pamilya Bernardo, mula sa pamunuan ng Conservative Baptist Association of the Philippines (CBAP). Ginamit sila ng Diyos na syang nagsikap, nagtiis at nanalangin upang maabot ng Mabuting Balita ang lugar na ito. Sa dakilang biyaya ng Diyos, ang Iglesia ay naitanim at binigyan ng pangalang  SARIAYA BAPTIST CHURCH. Ang unang pagsamba ay nagsimula noong Pebrero 16, 1965 na dinaluhan ng 40 mananampalataya sa tahanan ni Gng. Nita Cueto sa Barangay Balubal. Ang tinaguriang ministeryo ay inihandog sa Diyos noong ika-tatlong linggo ng Pebrero, 1969 na siyang naging tradisyonal na pagdiriwang ng pagkatatag.

1969-1973 -Ptr. Agapito Bernardo

Sa apat na taon ng paglilingkod ni Ptr. Bernardo, ang Iglesiang ito ay biniyayaan ng mga nabawtismuhang mananampalataya tulad ng pamilya ng Bernardo, Bautista, Tajan, Albina, Cueto at Sunga.

Ang mga sumusunod ayang mga unang mananampalatayang nabawtismuhan noon: Pedro Bernardo Sr., Lola Sula Bernardo, Clarita Bernardo, Rosita Bernardo, Cely Bernardo, Pedro Bernardo Jr., Lino Bautista, Barbara Bautista, Pudith Bautista, Rene Bautista, Bing-bing Bautista, Agapito(Pitong)Tajan, Emmie Tajan, Edis Tajan, Lileth Tajan, Felimon Albina, Ester Albina, Julieth Albina, Solly Albina, Meriam Albina, Nita Cueto, Lagie Sunga at ang kanyang ina.